Aktualitet
Dhunon gruan, ndërhyn policia/ I gjejnë municion ushtarak

Dhunon gruan, ndërhyn policia/ I gjejnë municion ushtarak

Algert Seda, është 39-vjeçari i cili u arrestua nga policia ditën e sotme. Policia u informua se një person po ushtronte dhunë fizike ndaj bashkëshortes. Pas informacioneve, efektivët mbërritën në banesën e Sedës në Babrru duke bërë të mundur ndalimin e tij dhe përshkallëzimin e një ngjarje më të rëndë. Gjatë kontrollit në banesë, policia gjeti dhe sekuestroi në cilësinë e provës materiale një armë zjarri gjahu dhe 65 fishekë gjuetie.

Po ashtu, policia kreu kontrolle dhe në banesën tjetër të Sedës. Në fshatin Sojnik, Gramsh, iu gjet dhe iu sekuestrua një armë zjarri automatik dhe 31 fishekë luftarak.

39-vjeçari tashmë do të akuzohet për veprat penale “Dhuna në familje” dhe “Mbajtja pa leje e armëve luftarake dhe e municionit”.

NJOFTIMI I POLICISË:

Ndërhyrja në kohë e shërbimeve të Policisë ka parandaluar përshkallëzimin e mëtejshëm të një konflikti me pasoja për jetën në familje. Vihet në pranga një 39-vjeçar që posedonte pa leje armë zjarri dhe municion luftarak. Sekuestrohet një armë zjarri automatik, një armë gjahu dhe 96 fishekë. Shërbimet e Komisariatit të Policisë Nr. 5, pas marrjes së njoftimit se në Babrru, në një familje, një shtetas po ushtronte dhunë fizike ndaj bashkëshortes së tij, menjëherë kanë shkuar në adresën e dhënë dhe falë veprimeve të shpejta parandaluan përshkallëzimin e mëtejshëm të konfliktit, duke bërë të mundur kapjen dhe prangosjen e shtetasit Algert Seda. Gjatë kontrollit në banesën e këtij shtetasi, Policia gjeti dhe sekuestroi në cilësinë e provës materiale një armë zjarri gjahu dhe 65 fishekë gjuetie. Në vijim të veprimeve, në bashkëpunim dhe me Komisariatin e Policisë Gramsh, gjatë kontrollit në banesën tjetër të këtij shtetasi në fshatin Sojnik, Gramsh, iu gjet dhe iu sekuestrua një armë zjarri automatik dhe 31 fishekë luftarak. Në përfundim të veprimeve të para hetimore u bë arrestimi në flagrancë i shtetasit Algert Seda., 39 vjeç, dhe materialet në ngarkim të tij i kaluan Prokurorisë së Rrethit Gjyqësor Tiranë, për veprat penale “Dhuna në familje” dhe “Mbajtja pa leje e armëve luftarake dhe e municionit”.

Asnjë Koment